【自助餐放蛇起底组】$188日式放题 自助甜品区+送生蚝

日式放题越开越多花臣,今次荃湾新场有埋自助甜品区,打卡仲送日本兵库县嘅生蚝!平日最平嘅时段都係$188,究竟好唔好食呢?即刻去片啦!

刺身一般 打卡送生蚝

虽然呢,今次个主角係自助甜品区度,不过其他嘢食嘅质素都好紧要嘅,刺身呢,味道就一般般,最好食係马刀贝,非常爽口!寿司就要试左口鱼边火炙寿司,好滑好有鱼油香。而且Like佢地个餐厅Facebook Page同打卡有得送日本兵库县生蚝!

【自助餐放蛇起底组】$188日式放题 自助甜品区+送生蚝
基本野沙律/寿司/卷物/天妇罗/烧物等都有,不过值得一讚佢本落单簿仔好轻巧!
【自助餐放蛇起底组】$188日式放题 自助甜品区+送生蚝
Like佢地个餐厅Facebook Page同打卡有得送日本兵库县生蚝一只,大大只,食落好creamy,少少海水味,免费嘅~记住要拎啊。
【自助餐放蛇起底组】$188日式放题 自助甜品区+送生蚝
刺身水準好一般,三文鱼虽然厚切但有少少筋;甜虾唔係霉但又唔係弹牙,无再食下一只嘅意欲;剑鱼腩未够鲜甜而且偏油,带子就ok嘅,几鲜甜,最好食都係马刀贝,超爽口!!!
【自助餐放蛇起底组】$188日式放题 自助甜品区+送生蚝
火炙寿司有左口鱼边(后)同澳洲和牛,size细细件,前者好滑好有鱼油香;后者就无乜惊喜。
【自助餐放蛇起底组】$188日式放题 自助甜品区+送生蚝
特色寿司有黑松露三文鱼腩(右),松露味虽然得一少pat,但入口好香!左边嗰个係瀛寿司,menu上面佢个英文名叫Uni & Ama Ebi,应该呢就係海胆甜虾寿司,但上到枱,Oh sorry,得一只甜虾係面头咋。
【自助餐放蛇起底组】$188日式放题 自助甜品区+送生蚝
天妇罗有松叶蟹棒同(后)炸海胆寿司,炸浆好薄身,食落香脆唔太油,蟹棒劲大嚿肉,好正!炸海胆寿司呢,海胆持续短缺,sosad!
【自助餐放蛇起底组】$188日式放题 自助甜品区+送生蚝
有茶碗蒸~个蛋好滑,上面有黑松露,入面仲有蟹柳同菇。

炸物必食紫薯饼 清酒任饮

炸物呢,芝麻鸡翼、吉列蚝、紫芋波波基本嘢都係有嘅,少见啲嘅有紫薯饼同芝士猪扒,都有惊喜喎!嘢饮方面本身都以为只係得汽水啤酒,但点知行过去DIY甜品区个边竟然发现有清酒任饮啊!记住要行埋去个边啊!

【自助餐放蛇起底组】$188日式放题 自助甜品区+送生蚝
紫薯饼,满满嘅紫薯馅,好香甜,好香脆,紫薯fans必食!
【自助餐放蛇起底组】$188日式放题 自助甜品区+送生蚝
芝士猪扒
【自助餐放蛇起底组】$188日式放题 自助甜品区+送生蚝
入面嘅芝士馅未去到好流心嘅程度,味道唔算好浓郁,呢个麻麻。
【自助餐放蛇起底组】$188日式放题 自助甜品区+送生蚝
羊架好大嚿肉,係鬆化嘅,不过可以再烧得香啲,如果你怕羊羶味,呢款无乜,啱你食。
【自助餐放蛇起底组】$188日式放题 自助甜品区+送生蚝
芝士烧帆立贝都唔错,芝士烧得好香。
【自助餐放蛇起底组】$188日式放题 自助甜品区+送生蚝
脆皮带子酥几好食,个酥皮好有牛油香!
【自助餐放蛇起底组】$188日式放题 自助甜品区+送生蚝
饮品有汽水啤酒。
【自助餐放蛇起底组】$188日式放题 自助甜品区+送生蚝
不过!!!记住行埋去DIY甜品区个度,有清酒任饮啊~!

30几款甜品任拎 DIY鲷鱼烧+心太软

重头戏嚟啦!!!老实讲小编都十分期待佢个甜品放题区!其实一入到餐厅见到张枱有咁张已经哗咗出声!雪柜里面有10几款啫喱+布甸等,长枱又有蛋糕+泡芙+鬆饼,仲有草莓大福同水玄信饼(心心眼!!),女仔见到一定劲兴奋!唔止添啊,行过少少仲有爆谷+乳酪,而且有DIY区,有得自己整红豆鲷鱼烧同心太软,食甜品都可以食到饱!

【自助餐放蛇起底组】$188日式放题 自助甜品区+送生蚝
甜品雪柜同张枱好长,有成30几款啫喱/布甸/蛋糕等任拎。
【自助餐放蛇起底组】$188日式放题 自助甜品区+送生蚝
竟然有草莓大福食!!!好烟韧!!!呢个要无限encore!
【自助餐放蛇起底组】$188日式放题 自助甜品区+送生蚝
莫非美x西饼个主厨过咗嚟做?连彩虹蛋糕都有喎。
【自助餐放蛇起底组】$188日式放题 自助甜品区+送生蚝
行过少少有爆谷机+乳酪!
【自助餐放蛇起底组】$188日式放题 自助甜品区+送生蚝
仲有DIY区,部机已经预热咗,隔离亦都有晒Step教你点整,而配料就有红豆蓉。
【自助餐放蛇起底组】$188日式放题 自助甜品区+送生蚝
不过呢,佢就话整2分钟就可以食,不过我呢个整咗5分钟睇落先ok啲,都要自己调较下个时间。
【自助餐放蛇起底组】$188日式放题 自助甜品区+送生蚝
虽然自己整出嚟嘅鲷鱼烧个样好衰,但胜在有得食又有得玩,私人tips,要丧落红豆蓉!因为真係好香甜!
【自助餐放蛇起底组】$188日式放题 自助甜品区+送生蚝
另一边仲有得DIY心太软,都係有Step教你点整嘅,材料非常简单,有一碗朱古力浆同白朱古力片,加埋一齐放入微波炉叮1分钟,搞掂。
【自助餐放蛇起底组】$188日式放题 自助甜品区+送生蚝
叮完一分钟,个样望落都食得嘅,不过卖相真係唔多靓,同埋食落软熟似朱古力蛋糕多啲,得少少少少流心,不过係几好玩嘅。
【自助餐放蛇起底组】$188日式放题 自助甜品区+送生蚝
未完!仲有维记雪糕可以食!
【自助餐放蛇起底组】$188日式放题 自助甜品区+送生蚝
如果你坐到卡位真係lucky,有成大个落地玻璃窗俾你望住高楼大厦,好relax。
【自助餐放蛇起底组】$188日式放题 自助甜品区+送生蚝
地方都好大,好多大枱,岩晒gathering。

总结:今次放题都几耳目一新嘅,甜品区真係好令人惊豔~选择好多元化,女仔实好钟意!其他嘢食呢都有自家特色嘢,味道都唔错。环境同服务都好好,而且平日最平$188,有埋OpenRice coupon,2人同行可以减$50,加埋一除返开一人都係$182,好抵!值得俾高分!

总分:8.5/10

【自助餐放蛇起底组】$188日式放题 自助甜品区+送生蚝

瀛舍

地址:荃湾众安街55号大鸿辉中心10楼(显示地图)电话:3100 0020日式放题供应时间: 星期一至五 5pm-7pm入座或9pm后入座收费: 成人:$188、小童:$98用餐时间:入座时间起计2小时备注:收加一

 

延伸阅读:

【自助餐放蛇起底组】买一送一 $99五星酒店Tea Buffet

【自助餐放蛇起底组】沙田酒店Tea Buffet!$78任食紫薯朱古力甜品

相关推荐